اعرف شخصيتك من خلال ردك على الموبايل

دراسه أجريت مؤخرا " طبعا من واحد أهبل "
بيقولك فيها انك ممكن تتعرف على شخصيتك
أو شخصية غيرك من خلال طريقة رده على الموبايل
المهم الراجل دا بنى دراسته على حاجه كده معرفش اسمها ايه وتتلخص فى مجموعه من الأساسيات الله أعلم عددهم كام بصراحه مش هنهتم بالحاجات الهايفه دى
وخلينا فى الدراسه أهم

شووف قالك ايه بقى ..



ألـووو
قالك ان أخينا ده انسان هادى وراسي وبيحب ينام والموبايل فى الشاحن (ليه؟؟ الله أعلم )
وما بيقفلش الموبايل بس بيخليه صامت ، وشخص حياته فيها روتين وملل
والناس اللى بتستخدم التعبير ده أغلبيه .. وبيكونوا من سن 10 إلى 40 سنه



نعـم

دا بتاع مشاكل وبيخانق دبّان وشّه .. وعلى طول ماشي وفى فمّه عود كبريت
بيعمل بيه اييه؟؟ مش عارف ..


أيوه

قالك ان دا عبيط وعلى نياته وفاكر نفسه رشدى أباظه ..(دا لو ولد)
(ولو بنت) .. هبله وزى الاطرش فى الزفه ..و .. و .. (انا مليش دعوه هو اللى بيقول)


مـرحبا

(لو ولد) .. دا بنى أدم اجتماعى ومن رده تعرف انه واد بكرش وبيحب الأكل زى عنيه
وكمان بيحب يفرض رأيه على غيره
(لو بنت ) .. بنت دلووعه شويه وشايفه نفسها .. زى ما يكون اللى متصل دا عارفاه قوى.
(بس أنا والله ما بقول مرحبا) ..


هــلا

(لو ولد) .. دا بقى واد صااايع ومقطّع السمكه و أكل ديلها
(لو بنت) .. تحب النوووم زى عنيها ودايما تلاقيها تعمل منيكير وبديكير مكياج وطعميه بالسمسم



مييين؟

اخينا دا بقى حاجه من اتنين .. يا حرامى .. يا عليه فلوس لحد
علشان كده تلاقيه أول ما يفتح الخط يقول (مييين )
ولو طلع حد من اخوانه البعده يقفل الخط فى وشه على طول ويزحلقه على صابونه من غير ريحه


yes

أنا عمرى ما اتصلت على حد ورد قاللى (yes) !!
بس ما علينا .. بتحصل فى أحسن العائلات



باقى كدة بقى كل واحد يقول هو بيرد على الموبايل يقول ايه؟؟

hhhhhhhhhhhh
nice topic

ههههههههههههههههه
انا الحمد لله بقول السلام عليكم
مفسرهاش دي
باين عليه من امريكا
شكرا علي التوبيك

lo0o0o0o0ol
topic faze3aaaaaa   

MERCI YA GMA3A SHOFO B2A SELSELT ELRAZALA ELY ANA 7ATETHA
HHHHHHHH

الموضوع ده جامد اوى انا برد اقول الو